അദ്ദിക്ർ

4: 131-133 ല്‍ വിവരിച്ച പ്രകാരം പ്രവാചകന്മാരിലൂടെ നാഥന്‍ അദ്ദിക്ര്‍ അവതരിപ്പിച്ചിട്ടുള്ളത് ജനങ്ങളെ നാഥന്‍റെ പ്രതിനിധിയായി ജീവിക്കുന്നതിന് പ്രേരിപ്പിക്കാനാണ്. എന്നാല്‍ അവര്‍ എല്ലാവരും അദ്ദിക്റിനെ തള്ളിപ്പറഞ്ഞ് തെമ്മാടികളാകുമ്പോഴാണ് അവ രെ നശിപ്പിക്കുകയും രക്ഷപ്പെടുത്തിയ വിശ്വാസികളില്‍ നിന്ന് മറ്റൊരു തലമുറയെ നട്ടുവളര്‍ത്തിക്കൊണ്ട് വരികയും ചെയ്തിട്ടുള്ളത്. അന്ത്യപ്രവാചകനായ മുഹമ്മദിന് അവതരിപ്പിച്ചിട്ടുള്ള അദ്ദിക്ര്‍ 35: 32 ല്‍ പറഞ്ഞ പ്രകാരം അനന്തരമെടുത്തത് പ്രവാചകന്‍റെ ജനതയാണ്. എന്നാല്‍ 3: 7 ല്‍ വിവരിച്ച പ്രകാരം അവരിലെ അറബി ഖുര്‍ആന്‍ വായിക്കുന്ന ഫുജ്ജാറുകള്‍ അദ്ദിക്ര്‍ സ്വയം ഉപയോഗപ്പെടുത്താതിരിക്കുകയും മറ്റുള്ളവര്‍ക്ക് ഉപയോഗപ്പെടുത്താന്‍ നല്‍കാതിരിക്കുകയും ചെയ്യുകവഴി അവരുടെ ആത്മാവിനോട് തന്നെ അ കമം കാണിക്കുന്നവരാണ്. അദ്ദിക്റിനെ സത്യപ്പെടുത്തുകയും പിന്‍പറ്റുകയും ചെയ്യുന്ന ഒറ്റപ്പെട്ട വിശ്വാസി മാത്രമേ അദ്ദിക്റിനെ മൊത്തം ലോകരില്‍ പ്രചരിപ്പിക്കുകയുള്ളൂ. 6: 131-133; 7: 37; 9: 73 വിശദീകരണം നോക്കുക.